भीम आर्मीचे भीक मांगो आंदोलन “

सजग नागरिक टाइम्स :पुणे :शेतकरी कर्जमाफीसाठी राज्य सरकारने सामाजिक न्याय विभागाचे तसेच आदिवासी विकासाचे प्रत्येक ५०० कोटी वर्ग करून घेतल्याच्या निषेधार्थ संताप व्यक्त करीत  भीम आर्मी संघटनेच्यावतीने राज्य सरकारच्या विरोधात घोषणा देत  ”  भीक मांगो आंदोलन ”  आंदोलन करीत तीव्र धिक्कार करण्यात आला .राज्य सरकारची आर्थिक परिस्थिती अत्यंत हालाखीची असून सरकारवर आर्थिक ताण निर्माण झाला आहे . अशा स्थितीत दलित मागासवर्गीय तसेच आदिवासी समाजासाठीच्या विशेष घटक योजनेतील निधी सरकारला पुरला नाही त्यामुळे राज्य सरकारला  ”  भीक मांगो आंदोलन ”  च्या माध्यमातून सर्व सामान्य जनतेकडून भीक मागून आम्ही आर्थिक मदत करत असल्याचे भीम आर्मी पुणे शहर जिल्हा प्रमुख दत्ता पोळ यांनी सांगितले .
 

हेपण वाचा :भररस्त्यात दारुड्याने पोलिसाला चावले

वास्तविक सामाजिक न्याय विभाग किंवा आदिवासी विकासाचा निधी हा विशेष घटक योजनेअंतर्गत असून शिक्षण आरोग्य रोजगार घरकुल ,स्वछता आदींसाठी नियोजित असतो . अशा प्रकारचा निधी इतरत्र वर्ग करणे हि बाब अशा घटकांच्या प्रगतीस अडथळा निर्माण करणारी आहे . शेतकरी कर्ज माफीला आमचा विरोध नसून त्यांना कर्जमाफी मिळालीच पाहिजे परंतु त्यासाठी मेट्रो बुलेट ट्रेन तसेच सरकारी जाहिरातीसाठी करत असलेल्या खर्चाला मर्यादा घालून सदर निधी शेतकरी कर्जमाफीला द्यावा .मागासवर्गीय समाजाच्या निधीवर मुख्यमंत्र्यांनी दरोडा घालणे हि बाब दलित अत्याचार प्रतिबंध कायद्याअंतर्गत येते हे मुख्यमंत्र्याना माहिती नसावे .

 
हेपण वाचा:घरफोडी करून 4 लाख ५० हजार रुपयेचे दागिने व रोकड पळविले

सरकारने तातडीने आपला निर्णय रद्द करावा अशी मागणी आंदोलनात करण्यात आली . यावेळी सरकारच्या विरोधात जोरदार घोषणा बाजी कार्यकर्त्यांनी केली . सदर आंदोलनात भीम आर्मीचे मार्गदर्शक सीताराम गंगावणे गौतम काटे शरद घोडके प्रदीप कांबळे मुकेश गायकवाड ,विवेक सावंत जयवंत पोळ सुभाष खंडाळे सदा देवनावर भास्कर भिंगारे शब्बीर तांबोळी हुसेन राजनाळ किरण कांबळे विक्की जावळे ,बाळासाहेब लालसरे आरिफ तांबोळी आयुब शेख संतोष पवार ललितानंद तांदळे धनंजय सुतार श्रीकांत निकाळजे संदीप शेंडगे दीपक बलाडे नितीन सरोदे व सुखदेव कुचेकर आदी   प्रमुख कार्यकर्ते  व प्रमुख पदाधिकारी सहभागी झाले असल्याची माहिती  सजग नागरिक टाइम्स प्रतिनिधीला मिळाली.

Leave a Reply