मस्जिद बाहेर भीक मागणा-या 40 भिका-यांची रवानगी येरवडा सुधारगृहात

सजग नागरिक टाइम्स:कोंढव्यातील कौसरबाग मस्जिद, तालाब मस्जिदच्या बाहेर भीक मागणा-या आणि स्थानिक रहिवाशी आणि रहदारीस अडथळा निर्माण करणा-या 40 भिका-यांवर कारवाई करून त्यांची रवानगी येरवड्यातील सुधारगृहात करण्यात आली. ही कारवाई शुक्रवारी (3 नोव्हेंबर) दुपारी 1.30 ते 4.30 वाजण्याच्या सुमारास करण्यात आली. 

पोलीस उपआयुक्त दीपक साकोरे यांनी सार्वजनिक चौकात, धार्मिक स्थळाजवळ भीक मागणा-या व स्थानिक रहिवाशांना व रहदारीला अडथळा निर्माण करणा-या भिक्षेक-यांवर कायदेशीर कारवाई करावी अशा सूचना दिल्या होत्या. त्यानुसार कोंढवा पोलीस ठाण्याचे वरिष्ठ पोलीस निरीक्षक मिलींद गायकवाड यांनी 15 पोलीस कर्मचा-यांच्या सहाय्याने ही कारवाई केली. यापूर्वीही 21 भिका-यांवर अशाप्रकारे कारवाई केल्याचे सांगण्यात आले आहे.

Leave a Reply