ताज्या घडामोडी

नवीन उद्योजकामध्ये नवीन कौशल्य घडविण्यासाठी परिषदेचे आयोजन

Advertisement
2,999.00 EMI starts at 165 per month

सजग नागरिक टाइम्स:नवीन उद्योजकामध्ये  नवीन कौशल्य घडविण्यासाठी स. प. महाविद्यालयातर्फे मेवेन परिषदेचे आयोजन करण्यात आले आहे . महाविद्यालयाच्या लेडी रमाबाई हॉलमध्ये गुरुवार दिनांक १८ जानेवारी २०१८ ते शनिवार २० जानेवारी २०१८ दरम्यान तीन दिवस हि परिषद चालणार आहे . या परिषदेचे उदघाट्न महाराष्ट्र राज्याचे गृहराज्यमंत्री डॉ. रणजित पाटील यांच्याहस्ते करण्यात येणार आहे . यावेळी प्रमुख पाहुणे जेष्ठ पत्रकार सुनील माळी शिक्षण प्रसारक मंडळाचे व्यवस्थापक मंडळाचे अध्यक्ष ऍड. सोहनलाल जैन आदी मान्यवर उपस्थित राहणार आहेत .

Advertisement
Patanjali Honey, 1kg Price: 260.00

या उदघाटनानंतर विद्यार्थ्यांना उदयोजक विषयी प्रेरणा देणारे प्रमुख वक्ते नदीम काझी हे मार्गदर्शन करणार आहेत . परिषदेच्या दुसऱ्या दिवशी सकाळच्या सत्रामध्ये पुणे जिल्हा परिषदेचे मुख्य कार्यकारी अधिकारी सूरज मांढरे यांचे युवकांसाठी कौशल्य विकासावर मार्गदर्शन करणार आहेत . दुसऱ्या सत्रात टाटा कन्सल्टन्सी सर्व्हिसेसचे उपाध्यक्ष योगेश ठाकूर हे कौशल्यावर आधारित रोजगार निर्मिती या विषयावर मार्गदर्शन करणार आहेत . त्यानंतर लघुउदयोजकातून यशस्वी वाटचाल या विषयावरील चर्चासत्रामध्ये बॉम्बे शेविंग कंपनीचे संस्थापक रौनक मुनोत ऋचा यंत्राचे संस्थपाक रोहित दशरथी चापर्सचे संस्थापक हर्षवर्धन पटवर्धन ,रुद्राचे संस्थापक मेधा ताडपत्रीकर रिअल बूझॉनचे मुख्य कार्यकारी अधिकारी मंजुळा नायर आदी मान्यवर सहभागी होणार आहेत . सायंकाळी चार वाजता महाराष्ट्र राज्याचे शिक्षण मंत्री विनोद तावडे हे कौशल्य विकासावर आधारित अभ्यास या विषयावर मार्गदर्शन करणार आहेत .  त्यानंतर  उद्योग करताना येणाऱ्या अडचणी व त्यावरील उपाय या विषयावर  भूपेंद्रसिंग राठोड मार्गदर्शन करणार आहेत .परिषदेच्या तिसऱ्या दिवशी सकाळच्या सत्रात यशस्वी उदयोगाची गुरुकिल्ली या विषयावर  रांका ज्वेलर्सचे संचालक फत्तेचंद रांका त्याचे अनुभव कथन करणार आहेत . त्यानंतर  जे. आर. डी. प्रिंटपॅक प्रायव्हेट लिमिटेडच्या संचालिका जान्हवी धारिवाल हे कौटूंबिक व्यवसाय जतन व वाटचाल  या विषयावर मार्गदर्शन करणार आहेत . त्यानंतर ए. के. स्टुडिओचे संचालक केदार आठवले हे ध्वनी मुद्रण या विषयावर मार्गदर्शन करणार आहेत . दुपारच्या सत्रात करिअर वाटांचा शोध व कौशल्य विकास या विषयावरील चर्चासत्रामध्ये  आय. एफ. सी. बी. ए.चे अध्यक्ष शंतनू भडकमकर एस. ए. व्ही. केमिकल्स प्रायव्हेट लिमिटेडचे संस्थापक अंकिता श्रॉफ पर्पल चायचे मुख्य कार्यकारी अधिकारी वैशाली शर्मा रेड एफ एम  पुणे कार्यक्रम अधिकारी सोनिया पाठक चव्हाण थॉटवर्क्सचे सुनील मुंद्रा आदी मान्यवर सहभागी होणार आहेत .दुपारच्या सत्रात युवकांच्या बदलत्या समजुती या विषयावर महाराष्ट्र राज्याचे मुख्यमंत्री देवेंद्र फडणवीस यांचे सचिव श्रीकांत भारती मार्गदर्शन करणार आहेत . यावेळी प्रसिद्ध अभिनेते व निर्माते भाऊसाहेब शिंदे उपस्थित राहणार आहेत . सायंकाळच्या सत्रात सांस्कृतिक कार्यक्रम होणार आहेत .

Share Now

One thought on “नवीन उद्योजकामध्ये नवीन कौशल्य घडविण्यासाठी परिषदेचे आयोजन

Leave a Reply