Pune: बोपदेव घाटावर नागरिकांच्या सुरक्षेसाठी नेमलेला पोलीस कर्मचारी विक्रांत लक्ष्मण वडतीळे यानेच पर्यटकांकडून जबरदस्तीने ₹२८,००० लुटल्याचा धक्कादायक प्रकार समोर आला आहे. या प्रकरणी कोंढवा पोलिसांनी गुन्हा दाखल करून संबंधित पोलिसाला निलंबित केले आहे.
५ जून रोजी सकाळी ७ ते ९ च्या दरम्यान, चेन्नईहून आलेल्या १९ वर्षीय तरुण आणि त्याच्या मित्रांनी बोपदेव घाट परिसरात छायाचित्रणासाठी हुक्का बाळगलेला होता.
या कारणावरून पोलीस कर्मचाऱ्याने त्यांना अडवले, मारहाण केली आणि ड्रग्स प्रकरणात अडकवण्याची धमकी दिली.
प्रत्येकाकडून ₹२५,००० मागणी करत, अखेरीस ₹२८,००० मोबदला Google Pay द्वारे केदार जाधव नावाच्या व्यक्तीच्या खात्यात ट्रान्सफर करण्यास भाग पाडले.
संशय आल्याने तरुणांनी कोंढवा पोलिस ठाण्यात तक्रार दाखल केली.
प्राथमिक चौकशीत प्रकाराची पुष्टी झाली आणि पैसे परत करण्यात आले.
आरोपी पोलिसावर गुन्हा नोंदवून निलंबनाची कारवाई करण्यात आली असून विभागीय चौकशी सुरू आहे.
🗣️ जनतेत संतापाची लाट
या प्रकारामुळे पुण्यात पोलिसांवरील विश्वासाला तडा गेला आहे. नागरिकांनी अशा प्रकारांचा सामना केल्यास त्वरित स्थानिक पोलिस ठाण्यात संपर्क साधावा, असे आवाहन करण्यात आले आहे.
