दहावीचा निकाल जाहीर, उद्या २ जूनला लागणार निकाल

सजग नागरिक टाइम्स:

उद्या २ जूनला दहावीचा निकाल जाहीर झाल्यावर विद्यार्थ्यांना website वर जाऊन १० च्या निकालाची ऑनलाईन प्रिंटआऊट काढून घेता येणार आहे.

पुणे : महाराष्ट्र राज्य माध्यमिक व उच्च माध्यमिक शिक्षण मंडळातर्फे मार्च २०२३ मध्ये घेण्यात आलेल्या इयत्ता दहावीच्या परीक्षेचा निकाल शुक्रवारी (२ जून ) दुपारी १ वाजता ऑनलाइन पद्धतीने जाहीर केला जाणार असल्याची अधिकृत घोषणा राज्य मंडळातर्फे करण्यात आली.

राज्य मंडळाने इयत्ता दहावीची परीक्षा २ मार्च २०२३ ते २५ मार्च २०२३ या कालावधीत पार पडली. दहावीच्या परीक्षेला राज्यातून १५ लाख ७७ हजार २५६ विद्यार्थी बसले होते.

त्यात ८ लाख ४४ हजार ११६ मुले आणि ७ हजार ३३ हजार ०६७ मुलींचा समावेश होता.

राज्यभरातील ५ हजार ३३ केंद्रांवर दहावीची परीक्षा झाली होती. दहावीचा निकाल कधी जाहीर होणार याची उत्सुकता लागली होती. मात्र, आता निकालाची तारीख जाहीर झाली आहे. २ जूनला निकाल जाहीर झाल्यावर विद्यार्थ्यांना website वर जाऊन निकालाची ऑनलाईन प्रिंटआऊट काढून घेता येणार आहे.

१० वी परीक्षेचा निकाल mahasscboard.in आणि mahresult.nic.in या अधिकृत वेबसाईटवर प्रसिद्ध होणार आहे.